星期六上完跳舞班後去左反斗城行吓，Ambrose入去前仲同媽咪講，入去睇玩具，唔係買架，媽咪真係心懷安慰！點知佢去到Lego區見到有呢個變形俠醫，已經愛不惜手咁攞起黎睇，然後當媽咪話行喇，佢竟然攞埋個盒一齊行！哈哈！其實Ambrose都無話扭買玩具嘅，只係一味攞住唔放，話好靚同埋好想要，最後媽咪都係抵唔住，買左俾佢囉！
原本以為呢盒係Lego，咁即係可以砌落佢張Lego檯，點知原來佢都唔係正式Lego粒，基本上除左個牌子係Lego，入面嘅配件無一件係Lego樣，更唔好話同平時嘅Lego合併一齊玩喇，所以個變形俠醫其實唔可以砌在Lego檯上，真係好失望呀！
呢個變形俠醫，Ambrose好俾心機去砌，都叫有板有眼，睇黎，等佢四歲左右，真係可以試吓俾佢砌正常Lego喇！
沒有留言:
張貼留言