轉身

見Ellen個仔三個月就識轉身好勁，Ambrose一直都唔識轉身，而且都唔覺佢有意慾轉身咁，初初都諗住唔好同人比，個個b都唔同，三個月識轉身係超快，睇書就話六個月最遲七個月之前會識，反正識轉身之後要睇得實d，我都唔急嘅！不過話唔急唔急都唔想佢太遲啦，驚架麻！身邊嘅人又不斷話Ambrose重遲識轉身都唔奇，又話冬天多衫難轉身喎，好多理由架，不過我都唔太相信，尤其是冬天多衫呢個原因，因為我哋都係俾Ambrose著兩件衫之麻，又唔重，唔會話著到腫哂，anyway，無辦法啦，唯有等吓，只係越接近六個月個心就越急咁！

 

今晚食完團年飯返屋企，老公送奶奶返屋企，我就自己湊Ambrose，諗住同佢換佢舒服d嘅衫瞓，點知佢係咁打側身想走佬，側側吓直頭轉左身，過程都好快，好surprised！不過可能第一次轉到身，佢未識伸返隻手出黎，就咁紮住左，我諗佢自己都覺得好神奇，個樣係思考狀，我即刻幫佢伸返隻手出黎，同埋抱起佢稱讚佢！

 

呢個第一次黎得好突然，不過真係好開心可以親身見證到！