按摩

最近買左個熱石按摩器，枕响肩頸又得，腰背又得，甚至小腿都得！無啦啦點會走去買？哈哈，因為姑姐屋企有一個，佢極力推薦呢個按摩器俾媽咪，試用過又真係幾好，按住又暖暖地咁，唔錯唔錯！試完即刻叫佢幫媽咪買番個！佢識人平d麻！重送多個細嘅便攜式按摩器，Ambrose稱之為“八爪魚”，哈哈！佢真係超鍾意呢隻“八爪魚”，响姑姐屋企已經係咁攞人地果個黎玩，到而家自己屋企都有，佢就當左呢隻野係佢玩具，死攞住唔放手。最終，Ambrose要為呢隻八爪魚貼上自己個名字貼，據為己有！