寫字 (3y5m)

一晚，Ambrose自己坐左响檯度練習tick號點寫，只見佢猛咁打tick，媽咪無理佢！一陣之後見到成張紙都俾佢畫花哂，真係有少少俾佢激親，果本係媽咪送俾佢嘅畫薄，見佢咁亂黎亂畫，想出聲話下次要寫字就用第二本啦！點知媽咪一哄個頭埋去睇，就見佢寫左個＂小＂字。其實Ambrose一直都只認到個＂小＂字，佢一早已經識寫，媽咪整蠱問佢，不如寫小心個＂心＂字啦，佢一口答應，只見佢即時低頭寫野，一睇，真係忍唔住笑，原來Ambrose唔係寫個＂心＂字，而係畫左個心形，仲要係响＂小＂字嘅左邊，唔係右邊！既然＂小＂字都識寫咁耐，媽咪即管試問佢識唔識寫＂大＂字，點知原來佢都識，只係平時唔見佢講，唔見佢寫，同埋寫得唔係咁靚，原來佢已經識，只係媽咪唔知！之後，嫲嫲話Ambrose識寫個＂豆＂字，媽咪好驚訝，諗點解佢會識？邊度學？即管叫Ambrose示範一次啦，見佢真係寫到＂豆＂字，不過佢係由最底果橫開始寫上去，嘩哈哈！見佢好似開始識寫字，又教佢寫＂男＂字，佢都跟到少少，嫲嫲仲教Ambrose，話男仔要响塊田用力耕田種米，等佢易d記個＂男＂字。不過當要教個＂女＂字時，真係諗唔到點講會比較生動d，令佢易記d喇！