Ambrose成日都要求爹爹媽咪教佢畫呢樣畫果樣，媽咪資質有限，真係教唔到佢畫D咩，好彩爹爹都仲可以頂到一陣，雖然佢畫嘅都好似小朋友畫嘅，但至少都似似地，應付到Ambrose先！
今日爹爹應Ambrose要求畫左隻恐龍，媽咪唔知道，只係見Ambrose係咁畫係咁畫，畫完之後佢就話係恐龍，媽咪真係超級surprised佢畫得都有幾分似，有一刻仲覺得Ambrose可能真係好有天份喎，咁都俾佢畫到出黎，哈哈！點知，轉過頭至發現原來之前爹爹畫左一隻俾佢睇，佢摺埋左媽咪睇唔到，以為係佢自己憑空畫出黎，哈哈哈！
不過都叫好意外，起碼可以話Ambrose嘅記性好好，佢竟然唔使睇住，憑記憶畫得番隻恐龍出黎，真係唔簡單！
沒有留言:
張貼留言