Batman Lego (4y7m)

Ambrose一直都好鍾意Batman系列入面嘅嘴唇車，不過因為架車同Bat Wing係連住一盒咁出，之前已經買左舊一版嘅Bat Wing，似乎唔係太大分別，如果為左架嘴唇車再買一盒，又會多左架差不多的Bat Wing，所以一直都無買俾Ambrose。

一日去了油麻地一商場，好多Lego賣，竟然見到架嘴唇車有得散賣，真係聞所未聞，原來有得拆件買野！成盒Lego原價要五百幾，只要架車，唔要Bat Wing同人仔，只售$98，對於Ambrose黎講，車先係重點，有無人仔都無所謂，咁樣就買到架嘴唇車，真係喜出望外呀！仲要個店員係即時攞盒新嘅Lego開盒分袋，應該唔會騙人吧！

芭蕾舞學校家長日(4y7m)

不經不覺，Ambrose學習芭蕾舞已經兩年多了。當初讓Ambrose學習芭蕾舞，其實只不過想俾多d機會佢試吓唔同嘅野，諗住芭蕾舞可以周身郁，對於只有兩歲半嘅小朋友黎講，似乎比坐定定的上堂較適合。呢d非學術類嘅興趣班，基本上只需上堂，不用再回家練習；再加上男仔學芭蕾舞，媽咪完全無期望，所以，一直以黎，學跳舞係零負擔的，原則只係時間應付到便繼續上吧！

雖說只當芭蕾舞是玩玩的性質，可每年四月也會有考試的，考官更是由澳洲飛來香港作考核。所以，每年芭蕾舞學校都在試前舉行一個家長日，讓家長觀課。上年因為要參加畫畫比賽，沒能參與；今年，終於有機會了。這是兩年以來，爹爹媽咪第一次看Ambrose上課學習芭樂的情形呢！上課中的Ambrose很貪玩，有時又唔多正經，唔知係咪因為爹爹媽咪在看，所以特別興奮。看到他認真的拉筋，時常咧嘴而笑，很是enjoy的樣子，媽咪也就沒有太計較他有點搗蛋的表現。

第一次熨衫 (4y7m)

三月尾某日，Ambrose收到同學仔送的熨衫貼紙，因為係雷神嘅關係，Ambrose知道可以將貼紙熨在衫上，加倍興奮。所以，佢不斷催促媽咪開熨斗，好想將個貼紙熨在衫上。佢都未試過用熨斗，所以見佢好期待同緊張！哈哈！熨完個貼紙上衫度，佢就話要熨多d野，於是，一個箭步衝左入房，自己開櫃桶攞左件衫出黎熨，真係幾搞笑！

不過最搞笑就係，件衫本來都係摺响櫃桶內，根本無咩需要熨的，當佢熨完之後，見佢好求其咁摺番件衫想放番入櫃桶，真係覺得佢超搞笑，唔知佢知唔知道，熨衫嘅意義响邊呢？哈哈！

星星老師@第三十二堂(4y7m)

上堂畫雞，今堂整黏土雞，雞下面有蛋的，都幾有復活節嘅氣氛！

Home Art Jamming @飛機師 (4y7m)

Ambrose興趣班要交一幅我的志願嘅圖畫，於是今晚爹爹和他一起畫了這幅畫。原來他想做飛機師呢！飛機師身邊有兩個箭咀，問Ambrose為甚麼會有箭咀，他答是要指揮飛機上落，真的很佩服他，竟然連這個也想好了！Ambrose畫的地，一格一格地由兩隻顏色拼出來，每格都細細的，很有心機呀！還有，他竟然也畫了指揮塔，真的不知道他為甚麼會知道這些，也沒教過他吧！

Home Craft Time @雪條棍盒 (4y7m)

三月份某個晚上，Ambrose吃完雪條便衝入廁所，將雪條棍清洗一番，他說，要儲下雪條棍做手工。原來他之前已儲下了三數條雪條棍，媽咪見狀，想起家中原本亦有雪條棍材料，於是找了出來給他。媽咪原本提議Ambrose做相架，可是他堅持要做一個盒。Ambrose努力地痴痴砌砌，用完了雪條棍也未砌成一個盒，媽咪還得為他再買雪條棍繼續砌下去呢！

 

最終，三分鐘熱度的他，算是做好了一個沒蓋的盒，哈哈！

買銀器

趁著Ambrose去了Iron Man派對，爹爹媽咪便溜去探太公。經過荃灣街頭，看見街角有一間小得不能再小的銀器店，門前擠滿人，好不熱鬧！媽咪記起，中學時代也曾到這裡購買銀器呢！幾經辛苦，終於湊近了櫃面，選了一隻銀鈪付錢去了！哈哈！

Iron Man 手工派對 (4y7m)

三月份開始，已經無上星期日的畫班了，一來是因為之前英文課有補堂，只能安排在星期日；二來，這個畫班，上了年多，開始感覺Ambrose在技巧上沒太多進步；再加上，星期六的興趣班實在也有點累人，媽咪自己很想有一天假期可以休息一下，是以，打算不再報這畫班了。

就在打算不報畫班的時候，畫室剛推出了一個Iron Man 手工派對，媽咪第一時間就想，Ambrose應該很喜歡，打算讓Ambrose參加。可是，第二時間，媽咪已在擔心，參加派對的男孩們，想必也和Ambrose一樣熱愛超級英雄，也不會是斯文類型，那麼，十多個動手動腳的小英雄，擠在一起會不會很易打起上來呢？想到這裡，媽咪已經打算作罷。但，爹爹已經通知了Ambrose，媽咪報了這個派對，看見Ambrose興奮的模樣，媽咪也不好讓他失望了。

星星老師@第三十一堂(4y7m)

上堂畫雞，除畫了雞媽媽外，還有小雞，不過真是畫得太小了，哈哈！

豬夢 (4y6m)

Ambrose平日早上大多七點半後才起身，媽咪則一定要在七點半前出門，所以媽咪鮮有在早上可以與Ambrose說上幾句話。三月某日早上，當媽咪正在梳洗換衫時，就聽見Ambrose在房咯咯大笑，正好奇他為甚麼笑得那樣開心，便進房裡看看，原來Ambrose正在發夢，樣子真的很可愛，哈哈！不一會，Ambrose竟然醒了，坐起來看著媽咪，笑了！他神情興奮地向媽咪說，剛發了一個夢！

驗眼@理大眼科視光學診所 (4y6m)

四歲六個月的Ambrose並沒有按時預約健康院的眼睛普查，但卻不下數次眼睛發炎及敏感，看了數次眼科醫生，算是做了檢查吧！醫生說Ambrose一切正常，但媽咪總感覺檢查實在不夠詳細，也不是交代得太仔細，總覺檢查得不夠好似的。媽咪家族有遺傳性眼疾，雖說不一定遺傳得到，亦未必於早年發病，但始終是不治之症，教媽咪難以心安，所以，對於Ambrose的眼睛，媽咪是相當著緊。

聽聞理大眼科視光學診所為小朋友驗眼很詳細，儀器亦是小朋友專屬的。由於總覺得Ambrose並未正式的驗眼；加上，媽咪總覺得大學的眼科，掌握的資訊應較快較新，如果遺傳眼疾真的有一天有機會預防或診治，甚或有那麼一個機會做起研究上來，或許我們也能更快地知道及參與一下吧！所以，即使Ambrose已在醫生處檢查眼睛多次，媽咪亦堅持到理大眼科視光學診所再看一看，在這開一個檔案，以備不時之需。

Lego City 60004 (4y6m)

爹爹竟然趁媽咪去了簡介會，竟然給Ambrose敗了這盒消防局Lego！毫無名義便買了這盒大大盒的Lego，瘋了！真的不愧是二十四孝爹爹，哈哈！

星星老師@第三十堂(4y6m)

今堂整左花花同蜜蜂黏土，好有動感呢！

Lego馬車(4y6m)

自從Ambrose愛上了砌細粒（正常size）Lego之後，次次去親反斗城，睇Lego的時間都頗長。見他喜歡砌Lego，爹爹媽咪都樂得買給他，好過買其他玩具吧！Ambrose已砌過不同系列，最難砌的，應該是前陣子的star war飛船了，可他還是可以不需太多幫助而能夠自己看圖完成。，Ambrose砌Lego時，爹爹媽咪也樂得清閒呢！

小提琴表演@周年器樂匯演 (4y6m)

Ambrose 學習小提琴已近十四個月了，而參加樂團訓練就只有兩個多月，適逢中心舉辦了周年器樂匯演，Ambrose有幸可以參加。今次，除了SOLO之外，還可以參加樂團的表演，真的為Ambrose緊張！

樂團表演的歌，平時其實很少練習，而且因為不是主調，一般較沉悶，即使練起上來，爹爹媽咪都不太知道有沒有錯，而合奏的效果，就更加不得而知。今天，終於有機會聽到，雖然仍然不知道Ambrose有沒有跟得上，有沒有拉錯，但聽起上來，真的很棒呢！

又發燒

係而家嘅菌勁左？定係我嘅身體差左呢？以前成日覺得大人唔會成日發燒，但呢幾年發現，隔幾個月，我就會發吓燒，而且有時仲唔係燒一日半日咁，而係兩日、甚至三日！

三月三日，起身出門時，魔鬼老公話不如唔好返工陪佢喎，我話其實都有少少喉嚨痛，作病，不過都換好哂衫喇，唔返工之後仲大把野做返，所以照返工。點知，响公司嘅時侯就開始係咁閃電式頭痛，周身肌肉痛。呢幾年，發多左燒，我已經好清楚，呢d症狀，一定係發燒！除左頭痛肌肉痛，呢幾年發燒，d皮膚係會痛到連俾風吹到，開水喉嘅水滴到，都會痛到入心入肺！放工返去同Ambrose食完晚飯，已經支持唔住，响房暈低咁濟！呢一晚，食左特效必利痛，燒是退了。

三月四日，清晨時間，應該係藥力過左無起身再食，所以又發燒了。當然，真的要請病假了！諗住都係睇退燒，只係想攞張醫生紙請假，邊個醫生都無所謂啦，退燒藥應該間間差不多吧！所以去左一間平時有去開但少d人睇嘅診所度，但撞著個頂更醫生，講野無氣無力，完全聽唔到佢講野，睇佢個樣似中醫多個似西醫，真係好後悔睇左佢！自己知自己事，感覺身體真的很虛弱，大膽地問醫生可唔可以開兩日病假俾我，點知個醫生頭都唔抬就話一日就夠！其實，佢又唔係我，佢點知一日就夠呢？！呢一日，食住佢開嘅藥，成日都無退過燒，一直在房昏睡！

星星老師@第二十九堂(4y6m)

上堂畫青蛙，今堂又整輕黏土青蛙，真係好連貫呢，而且還有小蝌蚪，真是很可愛呢！

Home Art Jamming @Super Heroes (4y6m)

Ambrose今次畫了Super Heroes，佢畫果陣媽咪無理佢，見佢埋頭苦畫就行開左做自己野，點知過左一排之後佢攞住幅畫跑黎搵媽咪話要送俾媽咪，媽咪見到幅畫有一刻好感嘆點解佢會識畫，仲畫得咁靚！於是Ambrose好老實話，佢跟住本書黎畫，仲抄埋d字添！哈哈！不過媽咪發現有d細節同本書唔一樣的，好似Wonder Woman果條應該係頭帶，但Ambrose畫了蝴蝶結，佢話佢鍾意喎！不過，最似莫過於果對Lego手，哈哈哈！

Home Art Jamming @Batman and Ironman (4y6m)

Ambrose畫左個Batman and Ironman。好搞笑，手指只有兩、三隻，仲要不忘畫左一個好細的人仔在踩單車，哈哈！

Home Art Jamming @踩單車 (4y6m)

Ambrose學識踩二輪單車後畫的一幅畫。張紙係佢平時用A4紙整正方形紙剪出黎果張長方形紙條，細細張，上面畫左咁多野，樣樣都畫得細細的，好可愛！單車前，Ambrose畫了單車籃，咁似佢自己架單車嘅！仲有最搞笑嘅係畫左個腳踏，佢仲特別講話腳踏上有個小小的長方形，係腳踏上黃色反光位，真係夠哂仔細！不過睇清楚個人仔腳咁短，但個腳踏咁低，點踩呀，嘩哈哈！

Home Art Jamming @打壞人 (4y6m)

Ambrose這幅畫簡直充份利用了全張紙，問他畫了甚麼，他答得也言之有物的！

 

首先，中間的那公仔是壞人，圍住他的幾個人都在打他。附近有屋及車，而右下角有些細小的人仔，原來在BBQ，真的把媽咪笑壞了！問他其他人在打壞人，為甚麼有人在當中BBQ，他一句說我喜歡！小朋友的世界，真的沒甚麼不可能！

Home Art Jamming @打電腦 (4y6m)

Ambrose呢幅畫真係好豐富，相信佢係諗到咩就畫咩，所以內容未必全部合情合理！最清楚不過的，就是中間的電視了，不過原來Ambrose話係電腦的螢光幕，而下面有個長方形入面有好多一格格的，就係Keyboard，再下面就係一對手，真的畫得不錯，很logic，哈哈！仲有就係右手邊有一隻手豎起了一隻手指的，Ambrose話即係好叻咁解！媽咪就覺得好似facebook的like呀，但Ambrose不知道咩係facebook，更加唔知入面有個咁樣嘅like啦！

學會踩二輪單車 (4y6m)

早兩日爹爹和Ambrose初試二輪單車，一小時不到，爹爹已經大汗叠細汗地回家了，原因是，為了時刻可即時扶住將跌下的Ambrose，又跑又蹲身的，累得不得了，哈哈！

 

今早，爹爹再和Ambrose試踩二輪單車，不到一小時，爹爹開心的致電媽咪，要媽咪快點下樓看看Ambrose，因為，Ambrose學會踩二輪單車了！原打算需約一星期才會學懂，突然間便懂了！踩單車這技巧就是這麼神奇，沒有特別的技巧，只是要等那magical moment，只要等到了，叮一聲就自然會懂得，並且過後還是會懂的，就像天生懂的一樣！想當年，媽咪雖然初小才學踩單車，可是媽咪一學便會，沒花上太多時間，也沒跌撞過已學會了，感覺就是，本來就會似的，哈哈！想來Ambrose是遺傳了媽咪的聰明，呵呵！