第一次熨衫 (4y7m)

三月尾某日，Ambrose收到同學仔送的熨衫貼紙，因為係雷神嘅關係，Ambrose知道可以將貼紙熨在衫上，加倍興奮。所以，佢不斷催促媽咪開熨斗，好想將個貼紙熨在衫上。佢都未試過用熨斗，所以見佢好期待同緊張！哈哈！熨完個貼紙上衫度，佢就話要熨多d野，於是，一個箭步衝左入房，自己開櫃桶攞左件衫出黎熨，真係幾搞笑！

不過最搞笑就係，件衫本來都係摺响櫃桶內，根本無咩需要熨的，當佢熨完之後，見佢好求其咁摺番件衫想放番入櫃桶，真係覺得佢超搞笑，唔知佢知唔知道，熨衫嘅意義响邊呢？哈哈！