對上一次同Ambrose溜冰，應該係佢兩歲九個月嘅事了！玩完果次之後，又唔覺得佢好鍾意溜冰，爹爹媽咪又覺得有少少危險，所以一直都無咩動機再去。
隔左咁耐，近排Ambrose唔知點解提出想再去溜冰，於是又同佢去左玩。以為佢都唔會點溜到，結果，陪左佢一陣之後已經可以放手唔使扶佢！不過，嚴格黎講，佢唔係溜緊，而係行緊，只係行得較快，哈哈！事前都教過佢跌低左記得要縮起手指同儘快起身，Ambrose跌過幾次，都做得到，仲要懶有型咁即跌即起擺哂pose咁，真係服左佢！
估唔到咁就玩左個幾鐘，一家三口連租鞋，就咁就幾百蚊，好彩一早好堅持唔租企鵝，哈哈！不過唔知點解Ambrose用八達通拍卡走時無效，話無拍卡記錄，明明見佢拍左至入架喎，就係因為無拍入，拍唔到出，職員放番佢又無再追番錢喎，今日Ambrose溜冰費用無啦啦免左，哈哈！
沒有留言:
張貼留言