踩腳趾

今晚開飯時發生件小意外！Ambrose唔知幾時走左去爹爹身後面，當爹爹响廚房攞左碟餱一個轉身想放上檯上面嘅時候，一腳就踩左落Ambrose嘅腳趾度，媽咪見到嘅時候，只係見爹爹為左避Ambrose而一仆一碌咁濟，而Ambrose就超好笑，坐左响地下，捧住自己被踩嘅腳，喊到個嘴成一直線。唔知點解，媽咪覺得佢呢個樣真係好好笑，哈哈哈！媽咪攬住Ambrose，佢就係咁講唔知咩野，可能係投訴爹爹踩到佢啦，不過以爹爹咁嘅份量加上無情力，又真係好痛嘅！媽咪唯有分散Ambrose注意力，問佢有無腳趾唔見左，數吓先，Ambrose聽到至識收聲睇吓d腳趾齊唔齊，嘩哈哈！真係又可憐又可笑！