N班上學第二十天

2011年10月4日，Ambrose今日返學無喊，好叻仔！聽聞佢今日返學重好風騷，笑哂咁俾老師拖入去，重同爹爹講拜拜！媽咪無緣睇到添！希望佢以後都咁開心返學就好喇！

有時做父母真係好矛盾，送佢返學，好想佢獨立唔好喊，有時諗番轉頭，當有一日佢唔再痴住我地果時，又好似好唔捨得咁！又想佢痴住自己，又想佢成長獨立堅強，呢種忐忑嘅感覺，真係好差！