今日一早媽咪去左家長日，Ambrose就由爹爹湊去學芭蕾舞！
家長日都無咩特別野講，主要講吓會教d咩，同埋今年著運動衫嘅日子由之前逢星期二、四改為逢星期一、三、五，即係多左時間郁動吓，係好事黎嘅！
另外，媽咪最關心嘅編班問題，今日竟然唔諗住講！可能大家嘅表情實在太錯愕，所以之後校長都肯宣佈分班名單，咁都好d，如果唔係都唔知開個家長日用意何在，事關絕大部份都係原校生，新生只得好少人，原校生都已經清楚學校運作，所以黎得嘅家長都應該係諗住今日分埋班！
原班同學中只有一個同學仔會和Ambrose升去同一班，其他朋友仔都去哂隔離班！另外，媽咪有個朋友個仔就同Ambrose同一班，都叫做有個伴，有d咩野都可以問吓傾吓！本來咁少同學升番同一班，媽咪都有好失落，不過爹爹就話咁仲好，Ambrose可以識新朋友，朋友應該比升同一班更多，咁又係喎！
沒有留言:
張貼留言