今堂第二堂，又係媽咪收工去接放學！今日先至認真睇吓比賽班果張poster，原來個比賽主題係「樂在畫中」，之前完全記錯左！不過呢個主題都係好open-ended嘅，所以其實真係天馬行空，畫咩都得，哈哈！
老師攞左Ambrose畫嘅畫出黎睇，真係出乎意料之外咁靚！之前見佢起稿時都覺畫得比較豐富，到上色可能都有一定難度，仲諗住最後會油過左界而要被迫cut咁d公仔走，因為分分鐘俾Ambrose油到遮住哂！但竟然又無喎！幅畫靚到有d覺得係咪Ambrose畫同油架，但媽咪收工响門口“莊”左Ambrose一排，都係見老師耐唔時過去講佢知應該點畫，Ambrose先至動手畫，最多見老師畫過一兩筆，猜想可能幫Ambrose修飾番魚嘅輪廓，好多時都係Ambrose畫吓又等吓老師黎教佢咁！
今堂老師同媽咪講，話Ambrose好奇怪，話佢每次用黑色粉彩都會不受控咁油到亂哂，一pat野，就好似火車d車碌同魚上面有一堆綠色嘅樹，都俾Ambrose油衰左！媽咪都不明所以，平時Ambrose又無話會見咩色就起勢畫，車碌就可能有機會佢想畫大d所以越油越衰；樹，媽咪只可以諗可能老師教佢畫線條，佢唔知係咪以為油顏色就係咁油囉！媽咪擔心地問老師油到咁點算呢？老師好淡定話等佢油埋個底色，會俾d紙俾Ambrose搓粒痴上去遮一遮喎，果然係畫畫老師，可以諗到咁樣執生！
期待下一堂嘅完成品呢！
沒有留言:
張貼留言