呢幅畫好靚呀！唔知Ambrose係幾時識畫彩虹嘅呢？仲要彩虹兩邊都有舊雲，都幾搞笑！Ambrose本來只係畫左媽咪同佢自己，媽咪見右下角有少少位，就同Ambrose講，不如畫埋爹爹啦。佢好堅持話唔夠位，媽咪就話，唔係呀，右下角有位喎，佢就話個位咁細，爹爹好高架麻，都唔夠位畫。哦，原來Ambrose覺得係要畫哂成個人連埋對腳至得，所以覺得無位，哈哈！於是媽咪同佢講，夠位畫架，爹爹企得好前，响我地前面，所以可以只係畫佢個身，唔使畫腳都可以呀！Ambrose真係諗左一陣，可能佢完全無諗過原來畫畫係可以咁，唔一定要畫哂whole picture，俾媽咪講完之後，理解左一陣，佢就好開心咁話，都得喎，咁就畫左張全家福喇！
沒有留言:
張貼留言