呢本DIY書仔，應該係Ambrose好幾星期前，甚至可能係個幾兩個月前自己整嘅！不過因為整完之後媽咪無即時收埋，之後想記錄時發覺唔見左，揾黎揾去都無，以為佢可能攞左黎剪紙，所以不了了之。某日，又見到佢走番出黎，所以媽咪即時收起左，哈哈！
呢本書仔，個故事就係，有一個女仔，有一日佢見到一朵花，然後，佢想摘左朵花，之後女仔媽咪就話佢咁樣唔啱，個女仔就無摘花，最後，佢就好開心喇！哈哈哈！個故事，係有少少古怪，同埋亦都好短，但其實媽咪覺得已經幾好喇！始終係第一次，又係自己創作麻！
睇番本書，其實都幾搞笑，因為個女仔，由頭一頁到最尾果頁，個樣都唔一樣架，嘩哈哈！最令媽咪覺得得意嘅係，個女仔想摘花，Ambrose竟然識得畫舊雲，將“想法”畫左入去，又係邊個教佢嘅呢？
沒有留言:
張貼留言