去過廸士尼酒店食Buffet之後，Ambrose竟然念念不忘，無啦啦會提起想再去食。尤其是當同佢去完廸士尼樂園玩完要離開果時，佢就會問，而家係咪去食Buffet，哈哈哈！原來，佢真係好想再去，唔係隨口講嘅！
於是，趁住爹爹升職，又諗住同埋公公婆婆去試吓（因為婆婆眼睛不好的關係，兩老原來未去過食自助餐），於是，就圓Ambrose心願，一齊去廸士尼酒店食Buffet，仲要叫埋佢最鍾意嘅表哥一齊，真係好開心！仲响度懶熟咁帶表哥去攞野食，又話一陣會有廸士尼公仔出黎，兩表兄弟真係樂透了！
以為Ambrose係鍾意d公仔，所以恨黎呢度食野，但其實之前見佢對公仔出黎唔係太大反應咁，今晚所見，佢嘅表現係比之前較熱情，但又唔見得佢好期待，有公仔黎就影吓相，無嘅就成日走出去攞野食同埋偷食！好大機會，佢係知道黎食buffet，係可以不受限制係咁食！正一為食豬！
沒有留言:
張貼留言