以前覺得為人師表,真係又偉大又可敬....做老師應該心地善良,有耐性,對教育應該有熱誠....
呢d係以前既唸法,自從我返左而家份工,我先知道原來老師唔係聖人,只係普通人,一樣係打工仔,同我地個個都一樣,甚至乎係你想像唔到咁衰,例如係學生面前讚佢乖,好好人,很發問,意見好,轉頭同你講話個學生麻鬼煩,多野問,好無聊.......教書改功課係工作之一,但只係工作,絕無感情成份因為要做所以先做,並唔係以學生利益為前提....林林種種...好失望....
老師只係教書,你最好唔好叫我做admin野,呢d野唔係我做,改完薄改完exam paper,入分唔好搵我.......個個d心態都係咁.....老細壓落來咪做囉....吓入錯呀?我唔識ma...一句唔識就可以叫你幫佢做埋佢果份...無野呀馬...教左咁多年同我講唔識入分唔識定grade??唔好講笑啦!
唔好成日話而家d年青人點點樣樣,咩無責任心,無上進心,有問題收收埋埋,唔積極.......我地既教師咁既質數重點去教好我地既棟樑?
為人師表............................唉!!!
星期一朝早起身,沖涼洗頭換衫返工,好眼瞓。好似有d反胃,唉,梗係肚餓啦!飲啖水頂下肚,eeee,點解想嘔咁既? 大濟!!! 個手袋又無嘔吐袋喎,無計,尾班車上左先算啦!!!
上到車又無野喎,瞓下覺先.........唉,點解個胃咁唔舒服架?個頭咁暈既? 點解d人全部都黑白既?點解咁多雪花既?咁熱既?無開冷氣呀?隻手咁庳既?窒息嘞............救命呀~~~~我會唔會死架?唔係又係上次咁暈低要送急症室呀?呢度好似重係屯門公路咋喎,唔通叫架巴士車我入急症室?咪全車人陪我去,好瘀喎!不如捱到西隧口落車先call白車啦!
西隧口又好似四野無人咁,唉,不如捱到返公司先,安全d!!!星期一就唔返工無人信你病喎,死都死返去!!!
就係咁,我就放左日半病假.....醫生話感親喎,但我一d感冒徵狀都無,只有反胃...........唔使暈到雪哂花黑哂白呀??好驚~~~
人人都話出年金豬年，生金豬ｂｂ好，有咩咁好？聰明ｄ？富貴ｄ？條命好ｄ？我唸唔明．．．豬唔係懶ｄ架咩？唔通因為佢懶所以可以不勞而獲？
人人都係唸金豬好，我只係唸到醫院因為呢個生仔潮而爆滿，一係要捱貴醫院，一係入公立醫院，不過瞓走廊，嘩，唸起都辛苦．．．
咁多人生仔，咁咪同年好多細路讀書？又要爭過呀？唔係啩？爭到又好大競爭，個個都係金豬，邊個叻ｄ呀？點計先？係咪連生仔既時間都要擇埋，如果唔係唔夠勁喎．．．．金豬ｂｂ唔係人咁品，唔係最好既時晨唔掂喎．．．．．咁擇時晨生仔咪重貴？唉！
計我話咩都假，最緊要係個ｂｂ健健康康，將來係點，自然有條路俾佢，由佢自己行出佢既人生路。
順其自然，知足常樂，咁咩生肖都一樣～～～
早排分別同表姐及朋友試玩塔羅占卜,卜既緊係事業同健康啦! 第一次就唔信邪,有無攪錯?咩衰牌都有,連 "death"都中,死未? 咁佢話如果想轉工好似留低仲好dd,轉左又未必係你鍾意同開心,咁不如留低唸下自己既去向.....健康...唉....呢一年好難過喎....聽到之後有d唔開心,不過我心唸,果d都係牌遮,運氣之麻,如果我轉頭再玩都唔會係咁啦~~所以都係聽過就算
無耐,我又走去占過第二個,心唸無理由咁邪,今次連用既牌都唔同,重要係我自己親手倒牌,唔同既係我無問健康問財運....嘩...點解兩次抽既牌都係差唔多一樣既? 又無咁橋呀! 衰!一樣咁衰,又話留低好,就算轉工我都無投入感,又話我根本唔知自己既方向,講到我又覺得好有道理,呢度都唔差,又自由,係無職升,無人工加,其他都好安穩.........算啦~認命啦~~~
但原來倒牌係可以倒埋前後,即係話順牌可以倒到變逆牌...點解我唔知道得架?我d牌本來都唔差,衰就衰全部都逆景,即係衰啦!如果我知咁倒法係得,就唔會係咁既結果啦,下話?
我個friend話佢已經講左可自由隨意倒牌,可能我get唔到倒轉都係倒啦!
回頭一想,有時d野你無唸過係得就無做到,其實做左個結果可能會唔一樣,原來有時我地俾自己既框框限制左有好多有可能既想法,空間,唔做過又點知呢?既然d牌係我抽既,咁即係我先至係我自己既主宰,d牌係點代表d咩?
我係我人生既主人,我想點係由我決定,呢個遊戲我識玩嘞! 個天話我唔得,咁我咪轉下改變下,可能又唔係咁呢~~~
