啞妹做司儀

好偶然既一個飯局,無啦啦俾人屈左做婚禮司儀,對象係老公個朋友。

唉!佢朋友梗係有所不知,我都出哂名啞既,佢唔通係想要一個寧靜既晚宴??!! 不過咁,我都好明呢d野唔係人人都肯幫手,就算你出聲叫幾次都唔會有人踴躍投案,識左幾耐都假,呢d野我深有體會。我曾經同自己講,第日有朋友結婚要幫手,我會幫,因為我知道結婚真係好多野煩,好希望有人支持自己。別人找得自己幫手,應該係信任自己,唔係朋友就唔會叫自己,咁我重有什麼理由拒絕呢?

所以,即使我如何不濟,我會儘力,雖然未必會係錦上添花,但至少唔會失禮.....希望!!!