幼潛三期 – 第八堂

今日爹爹要返工，媽咪要返學就要獨自同Ambrose搭西鐡喇！不過因為早兩日落雨，天氣唔好，爹爹叫媽咪唔好上堂，留家休息，媽咪其實唔想唔返學，始終幼潛嘅得著多一d，而且幼潛無請假呢回事，唔返就即係白俾錢，媽咪梗係唔多願啦！不過媽咪都要向現實低頭，一個人湊Ambrose出去咁遠，媽咪都未試過，已經係一個挑戰，重要落埋雨，媽咪真係驚攪唔掂，最後媽咪都係同意爹爹唔返學，免得淋病左又麻煩！一旦決定左之後，媽咪就放心瞓覺喇！點知瞓到成十一點幾先起身，發覺天氣不知幾好，真係飲恨呀！