分顏色派筷子 – 下集

自從發現Ambrose識分筷子顏色分派俾大家之後，而家開飯都會叫Ambrose派筷子！不過Ambrose一聽到開飯第一件事係衝入廚房，佢唔係攞筷子派喎，而係攞自己隻碗出去，真係笑死人！佢攞左自己隻碗至去派筷子，哈哈！唔好以為佢識分顏色去派俾唔同嘅人好醒，因為佢真係只係識派俾人，而唔係放响果個人坐果個位度，就好似爺爺好左洗手間，Ambrose就攞住對筷子走去洗手間度拍門，嫲嫲响廚房煮緊餸，Ambrose又係攞住對筷子走去廚房俾嫲嫲，真係唔知好嬲定好笑，哈哈！