麥坤黏土車@星星老師 (4y7m)

一早幫Ambrose報左呢個特別班，個班勁快full，好彩媽咪咁啱見到個post，遲多幾分鐘的話，都已經報唔到了，哈哈！

今日媽咪放假，可以自己帶Ambrose上堂！初時仲以為只係麥坤造型的黏土車，點知落堂至知，原來架車嘅車碌唔係黏土造，係膠做的，有車軸，成架車真係可以郁架，真係好驚喜！ 

老師話Ambrose好高要求，小小細節都有自己要求，好講究，但就唔使老師點理。睇番架車，真係幾似，最好笑係側面車門上的閃電，其實就唔多似架喇，不過都知道Ambrose其實想整閃電嘅，哈哈！