星星老師@第三十五堂(4y8m)

上兩堂，老師話畫比賽畫。今堂又恢復正常，畫蜘蛛！老師話，Ambrose一聽見話畫蜘蛛，即時話要畫蜘蛛俠，哈哈！當然，老師唔會俾佢咁做啦！

蜘蛛網上有其他昆蟲，好現實呀！老師先俾小朋友睇有關蜘蛛嘅圖片，俾小朋友對畫嘅野有概念，真係幾好！其實Ambrose都知道蜘蛛係食昆蟲，不過佢就唔多明點解其他昆蟲會痴住响個網上面，但蜘蛛唔會痴住。媽咪見Ambrose畫嘅蜘蛛腳上有毛，就同佢講，d毛係可以令蜘蛛在網上行走唔痴住架，雖然唔知係咪真係咁，但呢個都勉強解釋到少少掛，哈哈！