笨

有一日放工，半路遇著一個問卷員，正常既我係會視而不見，任由佢講，果日唔知做咩，見個人趕收工咁慘，咪停低幫下佢囉！點知佢問埋ｄ唔知咩野，又問你幾多歲，又問你做咩職業，怪怪地！佢問完兩三條問題，就好趕咁話叫我攞番ｄ單張參考下，但要行遠少少去攞，唉，我唸住佢趕收工，咪算啦，行兩步幫埋佢囉！

點知佢叫我上架ｖａｎ仔，我真係有ｄ猶疑，點解要上車？我上左車後，佢又好似好趕咁，好似架車會俾人趕走咁，想開車，我幾驚呀！係咪想賣我豬仔架？我左望右望，佢又話搵個經理幫我，經理？幫我做咩？我真係好後悔咁好心做咩？

經理一坐埋來就想問我有無儲錢投資，原來又係ｄ保險投資公司！！佢話阻我幾分鐘講解下，我即刻話我趕時間，叫佢俾單張我攞番去睇，佢又唔肯，我寸佢話幾分鐘邊講得完佢要講既野，佢好無奈咁放我走！

之後我唸番自己真係好笨，當佢話要去攞單張既時侯，我根本可以唔鬼理佢走左去，當我知道要上車既時侯我就應該走人，重要又上左車又要驚，真係蠢到無人有！

呢次既教訓係，以後我都唔會理果ｄ企街既人！！！