今堂又係爹爹同Ambrose入課室上堂，媽咪行街街去，哈哈！
今堂又玩番之前教嘅拉拉手，不過爹爹話Ambrose唔多ok，之後唔拉手，轉左搭膊頭，一樣唔多ok喎！睇黎真係要佢平時同我地同埋表姐們拉多d手搭多d膊頭至得喇！
之後係自己篤檸檬水飲，呢個爹爹話好ok。Ambrose由拮檸檬入杯、倒水、用匙篤檸檬都係自己一手一腳攪掂，呢個遊戲啱哂而家咩都要自己做嘅Ambrose啦！姨姨首先要小朋友篤檸檬幾下試飲，之後篤多d再飲，話係要小朋友明白，篤得越多杯水越酸呢個因果關係喎！
之後就係玩大波波，爹爹話個波重大過屋企個健身波，姨姨要小朋友瞓／坐在波上面碌前碌後碌左碌右，訓練平衡喎！呢個遊戲其實應該難唔到Ambrose，因為平時佢都好鍾意玩，完全無問題，不過唔知點解，爹爹話Ambrose呢個遊戲一般，唔知係咪個波大左，佢覺得驚d？定係呢度個環境佢唔鍾意呢？事關Ambrose好似係轉番黎呢度上堂之後就對大肌肉遊戲好抗拒，會唔會呢度令佢無安全感呢？
沒有留言:
張貼留言