大澳遊

是日同姑姐一家齊齊搭船去大澳行吓，來回程Ambrose都係上船無耐就瞓左，好乖！不過今日真係超曬，媽咪無咩準備，只係同自己同Ambrose搽防曬搽左兩次，重要只係搽面，點知d太陽真係唔覺唔覺，媽咪後頸位曬到紅哂，回程時開始痛添呀，真係唔好睇少太陽嘅威力，好彩Ambrose對手仔都係少少紅，唔似媽咪後頸好似burn左咁，下次出戶外玩，都係唔理三七二十一，一定要搽哂防曬至得！  

今日我地臨走時先搭船仔出海睇海豚，不過真係失望，一條都睇唔到呀！不過坐船仔出海兜左個圈，算係睇過吓大澳d景同建响水上面嘅屋，都叫到此一遊！  

整體上今日都玩得好開心，行吓睇吓野食吓野，幾個細路一齊外遊，去邊都開心！屯門去大澳真係幾方便，有時間無咩野好做，都可以再去過，想同Ambrose睇海豚呀！