Ambrose的第一個參加的音樂會，就係香港小交響樂團舉辦的！香港，真係無咩音樂會係會歡迎咁細個嘅小朋友參與，好多都要6歲以上，而仲係要好認真嚴肅咁坐定定欣賞，對於小朋友黎講，其實真係幾難。香港小交響樂團舉辦嘅幼兒音樂會，真係好好，感覺較平時嘅音樂會輕鬆不少，因為唔會有人太介意舉行中忽然傳來小朋友的喊聲或說話，樂曲之間，指揮亦會稍作介紹，又或者與在坐各人有少許互動，所以媽咪帶Ambrose去亦唔會有太大壓力！
以前嘅Ambrose，都會坐定定咁聽完成個音樂會，好專注的！可能大個左，加上又有好耐無見嘅朋友仔一齊，佢地就係咁掛住講野，都唔係聽音樂，媽咪差d要將佢地隔開坐！好彩，演奏嘅曲目都係平常都會聽過的樂章或兒歌，Ambrose同朋友仔都容易投入回音樂會中。
以前帶住bb嘅Ambrose參加音樂會或表演，一小時嘅節目，都總覺有點長；現在，又覺得一小時實在太快了！音樂，果真能令人放鬆！
沒有留言:
張貼留言