Lego Parts (4y10m)

Ambrose除左畫畫之外，第二至愛應該係玩Lego了，大的Duplo系列常玩，正常size的Lego更常玩！所以爹爹媽咪也喜歡買Lego給他，總覺他那麼投入地專注地長時間地玩，是值得的！

之前買的Lego，都多是盒裝有主題的，可以跟書砌。後來發現，Ambrose其實也只是享受砌嘅過程，砌好了的完成品，佢好少攞黎玩，而爹爹媽咪為免碰撞之下唔見左d，所以砌完嘅Lego，小型的，會拆散入袋留番過一排再砌過，大型的便捨不得拆散，成個放入玻璃櫃中保存！ 

早幾個月，爹爹開始教Ambrose，其實Lego唔跟書砌都可以，自己鍾意點砌都得！家中保存了一箱爹爹兒時玩過嘅Lego，都算頗多parts的，夠哂Ambrose砌，於是，Ambrose又開展了自由創作嘅時期。最近，Ambrose話爹爹果箱Lego唔夠砌喎，咁又係嘅，箱Lego年代都幾久遠架喇，哈哈，有部份亦有破損，而有部份又遺失左，所以可能有時想砌車又未必夠車碌，想砌飛機又無軑盤等等！

見Ambrose講到唔夠parts，於是，爹爹媽咪就同佢去買，哈哈！估唔到咁細個就會要搵指定parts，Ambrose真係好男仔！今日同佢出去買，由於太早到，好多店舖都未開門，等了又等也只是一、兩間店零星開了，好彩也有小部份Ambrose想買的parts！佢話砌飛船無相應的透明玻璃，又唔夠櫈，又唔夠軑盤，仲有燈，哈哈！好啦好啦，都叫做買到！不過，仲未買到想要的機翼囉！