一向以來，媽咪都會記錄Ambrose在家的畫作，但Ambrose每日畫畫量甚高，一日都會畫到十幾廿幅咁，而有d亦會畫得較求其，所以媽咪只會盡量記錄一些畫得比較好或甚有意思的作品！
今次呢幅畫，係媽咪正好坐在Ambrose後面看著他畫的。只見佢畫完上半身，再畫下半身，之後佢就怪叫起上來，仲想走去攞過第二張紙！媽咪即時問佢做咩事，佢話畫到條褲唔靚，想攞過張紙再畫過！原來，佢就係咁浪費的了，畫得唔靚又攞紙，怪唔知得日日都一堆紙啦！
媽咪同佢講，畫錯左唔使即時換過張紙，要諗吓辦法糾正番！佢諗唔到，媽咪就話可以同佢著條裙，咁都得架！但Ambrose話d木顏色唔同廣告彩，畫條裙都遮唔到！哈哈！真係唔夠佢講！雖然佢唔係好想，但仍然都照畫左條裙！
不過到最後至發現，原來佢油頭髮時完全油哂頸背位，媽咪個頭甩左出黎，嘩哈哈！Ambrose發現之後都笑到咯咯聲！
沒有留言:
張貼留言