K2繞口令卓越獎@第15屆GAPSK普通話朗誦比賽 (4y9m)

Ambrose在五月初參加了普通話繞口令比賽，雖然三甲不入，只是拿到卓越獎，對於Ambrose不怎麼對普通話有興趣或天份來說，已經很不錯了！比賽當天即日知道分數及名次，但頒獎禮則需個幾月後的今天才舉行。由於三甲及卓越獎得主才有獎盃，Ambrose今次真係「掹車邊」終於可以真係攞盃了！媽咪告知Ambrose之後便會有獎盃，佢不知幾開心，仲周圍同人講佢有獎盃，真係服左佢！ 

銀獎@Gnet Star世界兒童繪畫大獎賽2014 (4y7m)

上年十月時參加了Gnet Star世界兒童繪畫大獎賽2014 ，好幸運，Ambrose得到了銀獎。頒獎禮於半年後的今天舉行，由於媽咪沒有另外付費參加畫展，所以Ambrose得獎的作品並沒有展出，今天出席頒獎禮，純粹攞獎，攞完就走，Ambrose對於幅畫已經無咩印象，事隔咁耐，佢都唔知發生咩事，哈哈！

繪畫比賽得獎大多只有證書，最多也只是一個小小獎牌，對於Ambrose恨拿獎盃的心情，難免有少少遺憾。

得獎作品 -復活島遊歷記

小提琴表演@周年器樂匯演 (4y6m)

Ambrose 學習小提琴已近十四個月了，而參加樂團訓練就只有兩個多月，適逢中心舉辦了周年器樂匯演，Ambrose有幸可以參加。今次，除了SOLO之外，還可以參加樂團的表演，真的為Ambrose緊張！

樂團表演的歌，平時其實很少練習，而且因為不是主調，一般較沉悶，即使練起上來，爹爹媽咪都不太知道有沒有錯，而合奏的效果，就更加不得而知。今天，終於有機會聽到，雖然仍然不知道Ambrose有沒有跟得上，有沒有拉錯，但聽起上來，真的很棒呢！

GAPSK幼稚園（k2-k3）普通話水平考試 （4y4m）

考完兩次普通話試之後，媽咪一心諗住一鼓作氣繼續考埋GAPSK幼稚園（k2-k3）普通話水平考試，咁下學期就唔使再為考試而不斷溫書，可以專攻其他科目，又或集中訓練普通話對答拼音等。其實，經過兩次考試之後，媽咪深明Ambrose的記憶力唔多好，要佢背太多野真係有難度，而GAPSK幼稚園（k2-k3）普通話水平考試真係要背好多野，淨係詩都有十首，問答更有百幾二百題，無特定範圍，最令媽咪擔心嘅係朗讀短句呢part，因為Ambrose基本上認字好差，而呢part如果唔識字，其實係讀唔到出黎，咁即係唔使考！考試共分三大part，聆聽、對答同朗讀，媽咪其實最擔心係朗讀呢part！

等左好耐至出考試範圍，即係可以知道要溫哪十首詩，對於記憶力弱嘅Ambrose黎講，出左範圍至開始溫係好重要，但今次出範圍嘅時間遲左，減番d時間之後，發覺只有兩個月左右的時間！

金獎@全港標準舞及拉丁舞公開系列賽 3 (4y4m)

Ambrose上小演員班已有一年，見佢對於比賽表演已經唔驚，又覺得好多時芭蕾舞比賽都係成組人去，就算有獎盃都係歸跳舞學校，參與學生極其量亦只有一張證書，甚至乎咩都無都試過。有感當初報小演員班係想Ambrose有多d舞台經驗練大膽d，而家佢都做到喇，上k2後時間更緊張，所以上年八月時無再同佢報名繼續參加了。

估唔到學校大匯演之後，照理無參加小演員班就應該無機會去參加比賽，但竟然Ambrose果班就有呢個機會，十一月參加跳舞比賽，跳的正是之前表演的「土人」！

Ambrose第一次小提琴表演 (4y4m)

今日係Ambrose第一次小提琴表演的日子，由於係第一次，媽咪緊張得請了假去支持他。

事前，對於表演細節著實所知不多，老師只吩咐Ambrose好好練習Jingle Bell，但又沒有提及究竟係個人表演還是樂團表演。不過Ambrose加入樂團只是兩、三堂的事，想來也應該不會叻到可以同其他人一齊合奏吧，雖然第二小提琴手是拉和音這些較易handle的地方，不過就係正正因為係和音，Ambrose自己在家中練習時，拉起來就變得好古怪，歌不成歌的，更加難練。所以媽咪估計，應該是個人表演居多。

表演時間為下午，踏正晏覺時間，好彩今日放假，Ambrose都無咁攰！換好衫出發去集合，一如想像，去到都要等set場rehearsal 等，差不多又等左一個鐘，晏覺時間再加呆等，真係考起爹爹媽咪，唯有不斷俾d零食Ambrose食住先，分散下注意力啦！

土人 @ 22周年舞蹈劇《夢》 (4y2m)

每年，Ambrose嘅跳舞學校都會搞舞蹈劇大匯演，俾各學生有演出嘅機會，上年，Ambrose剛轉來學舞，有幸趕得切參加，果次，仲係Ambrose人生嘅第一場舞蹈表演添，所以特別緊張難忘！

 

今年，學校再搞大匯演，早幾個月前已經可以去學校買飛，可惜開賣時間係office hour，真係無理由為左買飛睇表演而去請假吧！所以收工至去買飛時，中間位置已經無哂前幾行了！為左坐前少少，唯有坐側面嘅冷巷位，希望Ambrose可以搵到爹爹媽咪啦！

 

今年八月起，Ambrose已經無再參加小演員班，所以都只係隨堂排舞。今年佢要表演嘅舞蹈劇叫《土人》，有日湊佢去跳舞時，媽咪問及Ambrose在課堂上有無情緒問題，老師就話唔發覺有唔同，而且老師提到Ambrose好creative，在排舞時經常會自己諗到一d動作，帶動到其他同學跟佢做，老師見動作又好符合角色，所以，有d動作係跟左Ambrose嘅創意做出黎嘅！當時，媽咪都無暇理會老師嘅分享，只著眼於究竟Ambrose情緒上係咪真係已經復原。 

最優異成績獎＠第六屆GAPSK幼稚園普通話水平考試 （4y）

 

Ambrose於七月考嘅普通話試，竟然除了得到卓越級別之外，更係全港考生頭十名之內，爹爹媽咪深感意外。之前考試機構通知會有頒獎禮後，突然又無哂消息，致電再查詢時又話唔會搞任何野亦都唔會出written通知，之前打黎係俾家長＂得個知＂字喎！ 

 

同普通話老師商量完，佢都叫媽咪再問多一次，但爹爹去攞證書時已再三問過，都係叫爹爹打去考試機構再問，所以，當晚媽咪寄了封電郵去考試機構再三確認。但，發出電郵後，一直都沒收到任何回覆作確認及跟進，事件因此不了了之。

 

直至上星期某日，爹爹突然又收到考試機構職員來電，又話會搞個好小型嘅頒獎禮，當然，爹爹欣然答應了！日期為九月十八日下午，由於係平日，媽咪要請半天假！奇怪地，雖然已經定了頒獎典禮，但媽咪發出的電郵，一直都沒有得到任何回覆！Anyway，既然已有所安排，媽咪亦沒有深究！

KPCC幼兒普通話水平測試-初級 (4y)

睇吓佢考完試個樣仲咁呆，真係一額汗！

 

六月份的時候，除了為Ambrose報了GAPSK考試外，同時又為佢報了KPCC幼兒普通話水平測試-初級試。報的時侯沒想太多，老師話KPCC考試比GAPSK考試易，因為KPCC考試只係背書多，所以當時爹爹就報哂兩個，當係迫自己有個目標同Ambrose溫書，又或者當係俾佢練膽都好，反正，之後都仲要再考高級少少嘅試！

亞軍@第三屆卓傑盃全港兒童書畫大賽（4y）

六月份，媽咪攞左Ambrose 嘅一幅舊作參加左「第三屆卓傑盃全港兒童書畫大賽」。媽咪報名，好大原因係見到個比賽如得冠亞季軍，係會有獎盃及證書。之前Ambrose一直都好想再攞獎盃，但奈何前兩次朗誦比賽都係獎牌，佢為左攞唔到盃都失落左一排；而畫畫比賽又一只有證書，所以見到個比賽有機會有獎盃，所以媽咪至會一試！

 

七月份，成績公佈！幸運地，Ambrose作品順利取得亞軍，媽咪好開心咁話俾Ambrose知，佢嘅畫作得到第二名，之後會有個獎盃攞，佢聽見當然好開心啦！

 

八月尾，可以去攞獎了，爹爹同媽咪就啱時間，今日就同Ambrose去攞獎！點知，

收到成績＠GAPSK幼稚園（k1）普通話水平考試 （4y）

7月28日考完試後，要等成五星期，即9月2日至可以到中心拿取證書。等待嘅時間真係幾漫長！

8月12日，爹爹突然收到GAPSK職員來電通知，Ambrose於今期考試中取得優秀獎。爹爹只係負責報名考試，其實佢對考試內容唔係太清楚，只知道最高分應該係「卓越」，下一級佢只係記得係「優Ｘ」，當爹爹聽到職員話Ambrose取得「優秀」，而並非「卓越」，佢好疑惑點解機構會搵人專程打電話通知，又唔係好成績，又並未到發放成績嘅日子！當爹爹再同職員溝通時，

當日情況＠GAPSK幼稚園（k1）普通話水平考試 （3y11m）

為左趕及考GAPSK幼稚園（k1）普通話水平考試，Ambrose要在短短個半月內準備，真係有 d趕！可幸嘅係，幼稚園有教普通話，Ambrose並唔係由零開始讀起嘅，見綱要內字庫有部份Ambrose已學過，有d未學過嘅就响考期前兩星期惡補一番，吸收到幾多，同埋應試嘅技巧，真係唔到媽咪控制！

 

7月28日，晨早九點去到考試場地，同一個時段都有好多小朋友，大家都响lift lobby等入去考，地方又好狹窄，有d焗！等左一輪，終於夠鐘，小朋友排隊自己入去，

備試篇＠GAPSK幼稚園（k1）普通話水平考試 （3y11m）

GAPSK幼稚園普通話水平考試增設了k1組別，一早鎖定之後要考k2-k3組別嘅媽咪，知道了有k1組考試後，心郁郁想俾Ambrose去試吓，一來過了八月開學後，升左班嘅Ambrose應該不能再考k1試吧；二來，經歷過兩次朗誦比賽後，知道Ambrose面對比賽嘅膽量暫時沒太大問題，想試試佢對考試嘅反應又如何；三來，媽咪總係覺得既然普通一個朗誦比賽都要花費幾百蚊，出黎嘅證書獎牌可以好流，既然當初係諗住俾Ambrose練練膽量而佢又其實已經做到了，那何不將果幾百蚊去報個考試，一樣可以練膽，而得出嘅成績，起碼都有少少認受性，起碼都可以真實地反映到小朋友嘅普通話水平吧！最重要係，三月尾以來開始學普通話，由於無咩目標要達到，一直都係hea教hea學咁，上完堂回家又自然唔會溫書，報左考試，自然就有動力去鞭策Ambrose，唔係又會好似英文咁，懶懶閒上左成年都唔知學到d咩咁浪費！

獎狀到手 @ 2013亞洲學生音樂朗誦比賽(4y)

三個月前，Ambrose參加左2013亞洲學生音樂朗誦比賽，得到優異獎，即場已經頒左獎牌，所以完全忘記了呢個比賽！

 

今日收到佢地寄黎嘅獎狀，才記起原來一直都未為意未收過相關證書！哈哈！真係大意！最驚喜係隨證書送來了一張獎牌貼，貼上有Ambrose嘅名同名次，可以自行貼番上個獎牌度！上次攞過另一個比賽嘅銅獎，都無名，張證書又求其到不得了，今次呢個比賽，都算係有誠意了，讚！

優秀獎@展我繽紛繪畫比賽2013 (3y10m)

六月份，Ambrose再有機會參加繪畫比賽，本來畫班老師話由平時嘅上堂作品中揀一幅畫交去比賽，但因Ambrose只係剛剛新加入呢個畫班，而之前上堂嘅作品，一係手工，一係就已交去另一個比賽，再唔係就畫得麻麻地，基本上又係無得揀，唯有响deadline交畫前嘅一堂恆常班畫一幅畫交去。呢幅畫，一畫起就已經無攞過返屋企，都係由老師whatsapp俾返媽咪睇番個樣，定埋作品名稱（「獅王奔馳夕陽下」）就交去比賽了！又係見到幅畫時有點失望，可能媽咪成日期望交去比賽嘅畫最好都係色彩多d鮮明d開心d，但呢兩次嘅比賽，都唔知點解畫到幅畫咁沉，俾人嘅感覺唔夠開心咁！Anyway，當時因為另一問題有同老師通過電話，閒談間知道Ambrose一開始就提出要畫黃昏，老師沒有異議，並同意佢依照自己所想去畫。既然係Ambrose自己嘅要求，也沒辦法！老師其實都有話Ambrose用色大膽，好似獅子毛髮Ambrose用上藍、紅色，也很特別！但媽咪覺得，黃昏加上獅子本身嘅顏色非常接近，獅子表情又唔知點解有點憂鬱嘅感覺，全幅畫有種暗沉沉和愁的感覺，與兒童畫色彩繽紛具童真嘅感覺，相去甚遠呢！所以媽咪覺得入圍機會不大！

 

七月，收到通知，Ambrose呢幅「獅王奔馳夕陽下」入了圍，可以進行下一輪評審，是有點意外！七月尾，比賽結果公佈，Ambrose得到優秀獎！作品會在8月3-4日响文化中心展出。但爹爹媽咪一早約了朋友去長隆玩，正好撞正兩天畫展，所以也沒有機會去觀摩其他人嘅作品，好讓Ambrose好好學習一下，可惜可惜！

三等獎@第13屆星星河全國少年兒童美術書法攝影比賽 (3y8m)

五月份，幫Ambrose報左堂特別班去參加第13屆星星河全國少年兒童美術書法攝影比賽，果堂佢畫左隻長頸鹿！記得當時都覺幅畫尚欠點甚麼似的，不過由於係特別班，用一堂時間黎畫起呢幅畫就交去，都無其他選擇，反正都唔使報名費，縱然幅畫感覺一般，媽咪仍然照交去。

 

幾個月過去，已經忘記了這個比賽，以為已經落選了。今堂老師派發證書，原來Ambrose這幅「藍天。白雲。長頸鹿」取了三等獎！原本沒預料得獎，現在突然得了三等獎，雖然不是很高級別，也很驚喜呢！

亞軍@第六屆香港青少年及幼兒藝術節舞蹈比賽 – 芭蕾舞群舞 (3y8m)

五月份，Ambrose參加共三個舞蹈比賽，今日又收到其中一個比賽嘅證書， 呢張證書，係除繪畫比賽證書以外，有史以來質素最高嘅一張！早知張證書咁靚，當初就申請做埋個獎盃啦，唔係次次Ambrose有得睇個盃又無得攞返屋企，仲要次次都係隔好耐至有張證書攞返黎，有時佢失落到問爹爹媽咪點解人地唔俾個盃俾佢！

金獎@全港標準舞及拉丁舞公開系列賽 1 (3y8m)

五月份，Ambrose參加左個跳舞比賽，由於跳完就走，之後從同學間得知隻舞攞左第三名，又有聽說有小朋友話老師話係第一名，一直都無深究其實係攞咩獎，反正即使有獎，亦因為係群舞嘅關係，獎盃只屬於學校而非個人，到最後都只是一張證書而已，所以，得第幾名也似乎感受不大。

 

今日學校派發證書，證書到手，才知道，原來隻舞得金獎！不過真係唔多明白，點解一張證書，成隊人名落哂去咁奇怪，已經寫住團體舞架啦，點解唔可以做好少少整番個別名字嘅證書喎！

幼稚園畢業禮表演 (3y10m)

今年Ambrose有幸被老師揀選响畢業禮表演跳舞，一班三十人，揀五男五女。老實講，雖然Ambrose已非第一次表演，但這是Ambrose第一次被揀選為學校表演，媽咪自然有一點點緊張及壓力。

 

自從知道要表演，總覺得事情未必咁順利，就好似以前去親廸士尼、去旅行咁，一早講左出黎，都會臨出發至發燒，真係唔明點解次次都係咁，所以爹爹媽咪盡量低調，唔提唔講，但其實媽咪個心不知幾咁擔心，唔知到時會唔會有咩亂子。

 

日子越近，班中就開始有好多同學仔病左，有手足口、發燒、痾嘔等，個個都病幾日至一星期不等。擔心，但又唔可以做d咩野！唯有希望Ambrose嘅抵抗力可以頂到吓！無驚無險過左最後一星期，Ambrose無染病，以為可以順利過度，點知又發生電梯夾腳事件，疑似拋柴左兩日，果兩日真係忐忑得好緊要。表演咁難得，爹爹媽咪請哂假，去唔到都會好失望，但如果真係腳傷，都無辦法。但因為跳舞有partner嘅關係，媽咪一直都擔心，如果真係跳唔到，咁個partner點算好呢？呢個至係最大問題！

 

好彩，最後都無事！Ambrose今日可以如期表演！

 

一早送左佢返學校綵排，擺低佢之後就直接去元朗食早餐，跟住就排隊等入場！以上年經驗，上年係排隊先入先搵位，但原來今年學校將唔同團體分左顏色飛，表演、畢業、領獎同觀禮嘅家長分唔同zone坐，早知唔使咁早排啦！

 

終於等到跳舞表演，由於老師同小朋友set哂頭化哂裝，加上媽咪又攞住攝錄機，一開始都見唔到Ambrose，不過好快媽咪已經locate到佢喇！見佢一臉認真咁跳，真係唧都唔笑個款，其實幾搞笑！唔知係咪學校日日都有練舞嘅關係，見到佢地跳得都好齊吓，反而比起自己出面嘅跳舞學校嘅表演比賽，感覺今次Ambrose跳得算幾好，雖然佢有時都要望住人跳，但起碼都無咩蝦碌野發生！

 

畢業禮完畢，一家三口跟左學校去Panda Hotel食buffet，但原來無同學仔去。開頭都仲擔心會悶，因為全部都係畢業學生及家長，但氣氛都幾好，老師叫畢業生再在台上表演，Ambrose好鍾意睇。見到d小朋友表演，媽咪就覺得時間過得真係好快，兩年後，將會輪到Ambrose了，個心真係好唔捨得佢咁快大！

 

童創你共我@兒童藝術作品展(3y10m)

今日Ambrose嘅畫室搞左個畫展！其實大概四月嘅時候，老師已經派左通告話有畫展，問家長參唔參加，媽咪之前已經見過九龍有一個畫展好想 俾Ambrose試吓，但礙於參加畫展又要參加八堂畫班至有作品展出，上堂要出九龍上，真係遠左d，所以打消左念頭。就在打消念頭之後，Ambrose畫室竟然話搞畫展，地點仲要係區內，真係方便好多，當然即時同Ambrose報啦！

 

本來老師提議過媽咪，俾Ambrose試畫一次油畫參展，但因為畫一幅油畫要三堂時間，而四、五月時間Ambrose實在太忙，有多個跳舞比賽表演要參與，平日時間又有其他興趣班，畫室又唔係有太多時段可選擇，時間真係度黎度去都度唔出黎俾佢去畫，結果都係放棄了。

 

又，本來以為只係就咁參加畫展，老師會响平日嘅作品中揀選出黎展覽，點知原來仲有個優秀作品比賽，Ambrose有幸被推薦了一幅畫作角逐，以為係人人都有份嘅比賽，但問及兩個表姐有無份參賽時至知原來唔係人人有份，Ambrose算係比較幸運了！比賽分兩part俾分，第一part係响facebook度俾人投票，响四十幾幅作品中最多like嘅十八幅將會出線，再由評審團評出冠亞季軍以及優秀獎。無咩點add friend嘅爹爹媽咪亦都好好彩地有過百個like，Ambrose得以出線。

 

今日嘅畫展就會直接揭盅得獎名單，爹爹媽咪當然有幻想過Ambrose會得獎啦！不過見之前畫室沒有打電話來確認準時到達之類嘅電話，加上十幾幅作品中，真係有好多都畫得好好，而Ambrose又係最細果個，媽咪深知，要攞三甲都幾難喇！唔入三甲嘅十五名小畫家，唔會無獎，都有個安慰獎，就係優秀獎狀一張！當司儀一直叫著名字出去嘅時侯，媽咪心底都有叫過唔好叫Ambrose個名住呀，哈哈！不過，最後都有叫到，Ambrose得了優秀獎！眼見其他人有盃攞，Ambrose又問點解唔俾盃佢？！其實有時都唔太明，點解佢咁細個，又無人教佢，佢都會知道盃係好過獎狀、獎牌？上次朗誦比賽之後，返到屋企果晚瞓覺嘅時候，Ambrose都好耿耿於懷問點解佢無盃，今次再見人攞盃而自己只得獎狀，都可以話係連番打擊，希望佢會知道其他人會叻過自己，佢都要再努力至可以有機會攞盃，而唔係响度自怨自艾啦！

 

睇番三甲嘅作品，亞軍係Ambrose同學仔嘅哥哥取得，媽咪真心覺得亞軍嘅作品比冠軍靚好多，唔係淨止比賽果幅作品，比較埋同參展者嘅其他參展作品，媽咪仍然覺得，點解佢會得到冠軍架？或者藝術嘅野人人感覺都唔同啦，不過真係有d為朋友仔唔抵！另，無意又發現，三甲嘅作品，甚至係佢地嘅參展作品，都係油畫，可能顏色比一般水粉彩畫要搶眼好多啦！

 

睇番Ambrose嘅作品，其實係老師揀出黎展覽，媽咪都係去到至知擺邊幅畫！其實Ambrose作品都係一般，可能因為Ambrose係年頭至轉純畫班，其實畫作選擇都唔太多，即係揀唔落手，哈哈！除左果幅爸爸媽媽拍拖去，用色比較colourful，構圖比例幾好，媽咪由佢一開始畫已經好鍾意呢幅之外，其他兩幅只係一般。花旦姐姐其實係Ambrose三歲鬆少少時畫嘅，當時都覺得好靚，但仔細睇幅畫就覺得畫到有d亂，頭大身細，不過勝在顏色豐富，同埋輪廓分明，點解老師推薦呢幅畫參賽，其實媽咪都唔多明白，哈哈！至於果幅人仔跌落蜘蛛網度仲識笑，真係得啖笑，係Ambrose至有呢d咁奇怪嘅諗法，幅畫其實都ok，不過媽咪總覺個蜘蛛網唔係好似，又或者如果唔係老師講原來有個人仔跌左落蜘蛛網度，其實媽咪都唔多知幅畫背景畫嘅係蜘蛛網，哈哈！