今日爹爹放假，所以尋晚叫左表姐過黎瞓，咁Ambrose又可以同表姐一齊玩喇！聽爹爹講，表姐都算乖，所以佢一個人湊兩個小朋友，雖然係攰少少，但都可以應付到！媽咪之前為爹爹預備左少少手工包，可以俾表姐同Ambrose，消磨吓時間，再加上畫畫，都幫到爹爹湊佢地無咁辛苦。出奇地，爹爹攞左治療膠俾兩表姐弟玩，媽咪以為Ambrose唔太玩，點知可能有表姐陪，佢又肯玩喎！果然有伴一齊玩，Ambrose肯接受多d野同開心好多！
今晚爹爹同媽咪因為有文件要簽，所以出左去食飯，順便行左去反斗城望吓有無之前見到但又無新貨嘅欖球仔賣，點知屯門呢間分店係連大欖球都無，唔好話細喇！好失望！不過媽咪行過Lego個架，竟然俾媽咪見到有一盒媽咪搵左好耐都唔見有得賣嘅Lego House，重以為係唔再出定點，媽咪一見到就好興奮！不過唔知點解只得一盒，媽咪呢期用左好多錢買野俾Ambrose，實在唔想又使錢買野，但得番一盒又驚下次黎會無，最後爹爹話買啦，一手攞起盒Lego House就去俾錢，媽咪勁開心呀！反正今個月Ambrose兩歲生日，呢盒Lego House就當係Ambrose生日禮物，咁媽咪個心都安樂d，哈哈！
沒有留言:
張貼留言