人仔倉

之前去新加坡為Ambrose介紹過史力加，唔知點解Ambrose好似好鍾意史力加喎，一見到史力加就笑哂，屋企有隻史力加卡通片又嚷住要睇！不過史力加响香港又唔係好common，無咩產品出。尋日爹爹行街竟然見到有史力加好似lego咁嘅樣嘅公仔，忍唔住買左俾Ambrose，咁啱呢期Ambrose玩lego好鍾意拿住d人仔玩，媽咪有見及此又走去買多左幾盒lego俾佢儲人仔。雖然史力加唔可以砌落lego底板度，但size同而家lego人仔差唔多，啱哂手形，Ambrose不知幾鍾意！而家Ambrose人仔倉除左有爹爹、媽咪、爺爺、嫲嫲，重有姨婆、丈公以及姑姐一家（史力加各人組成），而佢自己由原先唔識行嘅bb，經媽咪一番物色之後，買左一盒有個男仔造形嘅俾佢升level，可以行喇，哈哈！