Play-Doh – Numbers, Letters’ n Fun

一直都想買泥膠俾Ambrose玩，不過因為Ambrose唔係好接受到軟林林嘅泥膠，所以媽咪都唔係好落力搵俾佢玩，只係諗住俾佢玩一陣治療膠後，慢慢先加入泥膠，等佢習慣吓先！

媽咪買玩具時有奇遇，有時想買嘅玩具會無啦啦出現眼前，真係可遇不可求！今次，媽咪又見到好嘅泥膠set喇！呢套泥膠係Play-Doh，大牌子野，信得過，而且一套入面有八盒小泥膠，最重要嘅係有數字同英文字母模，一共有三十五個模咁多！玩泥膠之餘可以學埋數字同英文字母，一套都係$69，超抵！又係最後一盒俾媽咪買左！超開心！呢套泥膠，媽咪暫時未响反斗城及各大書局見過，唔知遲d會唔會有！