捉住媽咪講故事

今日同Ambrose去左圖書館借書，之後去左婆婆度同表哥玩，返到屋企，病緊嘅媽咪都散哂咁濟，要麻煩嫲嫲幫Ambrose沖涼，媽咪真係投降喇！  

沖完涼玩左一陣，一等媽咪都沖完涼出黎，Ambrose就捉住媽咪要媽咪同佢講今日圖書館借嘅書，真係估唔到Ambrose重記得，同埋真係會好肉緊要媽咪同佢睇，見到Ambrose咁積極，媽咪幾攰，都一定同佢講故事啦！  

而家媽咪同Ambrose有個故事角，但凡睇書，必定坐响白板前排排坐住睇，如果個位有玩具擺左响度，佢重會一路整走佢地一路講“唔該借借”，睇完後擺番d書去書櫃，如果d書擺得太密佢唔識推開少少放書，佢又係會講“唔該借借”企圖塞本書入番書櫃，真係超攪笑呀！