一直以黎，Ambrose嘅頭髮都係爹爹同佢剪嘅！唯一唔記得左幾時有帶過Ambrose出去剪過一次咁大把，但呢個第一次嘅經驗就麻麻地，唔係Ambrose唔肯，而係髮型師剪得佢嘅頭髮太碎，搞到下下瞓醒都炒起哂，好肉酸！仲有就係平時都唔使梳頭嘅Ambrose，因為成日瞓醒頭髮都豎起哂，搞到要花時間打理至出得門口，實在太麻煩了，所以，自此之後，都係要爹爹出馬自己剪番就算！
今日跳完舞出黎，本來打算返屋企剪頭髮，但經過一髮型屋時，見到有一小朋友正在剪頭髮，Ambrose睇到眼定定，爹爹問佢不如响度剪頭髮，佢又話好，再問佢好唔好剪到好似小朋友咁短，佢又OK，所以Ambrose終於嘗試左佢人生第二次去髮型屋剪頭髮喇！
Ambrose都坐得好定吓，不過由於佢跳完舞，又已經成點幾鐘，加上坐定定唔郁，見佢雙眼皮都走左出黎。仲有就係見佢幾次都好歇力睜大對眼又眼眨眨咁，可想而知佢係幾咁眼瞓，無扭計又定一定俾人剪頭髮，真係好乖喇！
本來都打算剪到好似個小朋友咁短，剷哂青咁，不過當越剪越短時，爹爹媽咪又好似有少少保留，都係覺得唔好一下子咁短先好d！
剪完之後，Ambrose好滿意，覺得自己好型仔，嘩哈哈！不過，返到屋企奶奶話男仔剪到咁短好頑皮，爹爹媽咪望落又覺得有幾分，同埋始終都鍾意長少少斯文d咁，睇黎，下次都係唔好再剪成咁喇，留番長至得了！
我都係唔鐘意剪太短，長d斯文d,但家希婆婆又係成日話要剪短d短d!
回覆刪除[版主回覆07/04/2013 11:52:46]佢講完後我地都覺好un皮,Ambrose其實好粗魯,令我地都幾頭痛,所以都係唔好唔信邪,留番長,同埋長少少都順眼d.....
[BB ♥ Lai回覆07/04/2013 11:31:31]你奶奶咁講完，我都認同好似um皮d,我唔係只Ambrose ,而係响街度見到其他小朋友，哈哈
Ambrose 個樣好乖
[版主回覆07/04/2013 10:16:20]小朋友大汗,老人家會寧願剪短D又精神D....我都係第一次聽奶奶講,話小朋友剪咁短會un皮d.....見佢剪到咁短都有d唔慣,所以都係留番長少少,斯文d...哈哈
咦！Ambrose係邊學跳舞？我都想比家希試下學
回覆刪除[版主回覆07/04/2013 11:49:58]介意私人留言嗎?我唔想公開名,好似賣廣告咁
[BB ♥ Lai回覆07/04/2013 11:28:51]原來都係栢麗，咁幾好，對我黎講方便
叫咩名？
有無網址？
都係已年齡分班嗎？
[版主回覆07/04/2013 10:18:14]佢响柏麗25/F學緊.....試吓丫...俾佢習慣吓面對多D人大膽D