今晚Ambrose又話要做黏土，又同佢攞本黏土大全出黎睇吓整咩！今次佢又話要好似上次咁整扣針，好彩媽咪一早有準備，一早買定幾個小襟章以備不時之需，今晚就啱哂喇！
見時間唔係好多，本來Ambrose想整果d都幾複雜，媽咪都要研究吓點整，加上原來已經無咩黏土喇，所以氹左Ambrose揀隻蟹黎整，哈哈！呢個Ambrose真係無咩點諗過腳與腳之間應有嘅距離，見有位就痴腳上去，搞到腳貼腳，仲要最後個蟹箝都無位放咁濟！
整完隻蟹，佢又話要整多一個，今次唔使扣針，因應住仲有咩顏色嘅黏土响手，最終揀左蜻蜓！睇住佢整對翅膀，簡直一步一驚心，因為蜻蜓身佢整到好大，但翅膀嘅黏土唔多夠，所以翅膀整到好薄，佢痴上去時有時又痴到隔離想搣起再痴，但翅膀太薄想爛，最終都係痴左上去之後再慢慢修正，所以對翅膀唔多對稱，哈哈！
整完黏土手工，Ambrose好滿足！
沒有留言:
張貼留言