之前响畫班Ambrose學左整輕黏土長頸鹿，爹爹覺得好靚，拜託Ambrose找一日教佢整，Ambrose一聽到教爹爹整就一口答應！爹爹買定左Ambrose講嘅材料之後，一直都無時間學整。撞啱今日要幫手湊住二表姐，咁不如叫Ambrose教二表姐整，爹爹媽咪乘機可以輕鬆一下。
估唔到，隔左咁耐，Ambrose都仲記得點整，真係走去教二表姐。不過佢就唔多識做老師，好多時都係講左一句之後，自己整自己果隻，二表姐都唔知點做，都係要媽咪出手幫一幫二表姐！
由於當初預嘅黏土比實際要用嘅少，搞到包好個身體之後，竟然無哂黏土包腳同頸，結果，迫不得已要自己溝色，溝出黎嘅顏色自然同之前嘅有出入，搞到隻長頸鹿兩截色！
兩表姐弟，一齊整左兩隻長頸鹿之後，好鬼開心，攬頭攬頸話要影相！Ambrose應該比二表姐開心，因為今次佢做左小老師，表姐又成功整到隻長頸鹿出黎，點會唔興奮丫！
呢隻長頸鹿，比起畫班整果隻大，Ambrose大果隻係爸爸，細果隻係bb喎！無媽咪份！
沒有留言:
張貼留言