完成品2 @ coloring tee (3y11m)

上次Ambrose油左自己果件Coloring Tee不知幾開心，仲要真係指定著出街添！見佢咁鍾意，所以今晚終於又攞埋件大人Coloring Tee 俾Ambrose油顏色。

 

基本上，因為無特登拉衡固定件衫就油，所以都係難油！可能件Coloring Tee比之前果件大件，又加上難油，Ambrose破天荒叫媽咪幫手一齊油，哈哈！油完都係無咩idea畫咩上去，都係畫番太陽同草，而今次就唔畫雀仔，畫雲啦！本來畫完呢d都可以收工，但因為係大人衫關係，真係比較大件，一攞起又覺得件衫好寡，於是媽咪提議不如畫怪獸大學個單眼仔同毛毛，Ambrose一聽見畫佢地，當然覺得有趣，即時就畫左隻單眼仔出黎！不過就好細隻眼囉，哈哈哈！之後，可能真係好難响衫上畫畫，所以Ambrose唔畫毛毛，叫媽咪畫，於是，媽咪就跟住佢之前畫過嘅一幅毛毛黎畫，係唔多似架喇，嘩哈哈！