疑似拗柴 (3y10m)

早兩日Ambrose俾電梯夾完，行路有時都唔多順咁，又唔係幾跑到，但見無明顯傷，無紅無腫，諗住佢可能扯到d筋，所以都無同佢睇醫生。如是者過左兩日，開始見佢好似無咩野咁，問佢仲痛唔痛，佢又話唔痛，於是又俾佢返學綵排同埋照常返跳舞班。

 

其實都唔知佢係咪真係無事，不過見佢又跳到，如果真係有問題，照道理應該會痛會叫架麻！今次嘅電梯意外真係好奇怪，發生時，爹爹媽咪完全睇唔到過程，周圍又無人。發生後又唔見表面傷痕，疑似拗柴左兩日，又好神奇地忽然無事。真係不幸之中嘅大幸！