滿口牙膏 (3y11m)

平時無咩機會睇電視嘅Ambrose，今晚爹爹俾佢睇一陣輕鬆吓！叫左佢去刷牙，咁就可以睇到攰，直接要佢去瞓覺，費時叫停唔睇仲要叫去刷牙同入房！趁住賣廣告時間就叫 Ambrose去刷牙，佢刷完牙出返黎坐响沙發繼續睇電視，媽咪不以為意。過左一陣，媽咪望吓Ambrose對眼會唔會好攰好眼瞓，竟然見到佢成口都係牙膏無抺到！肯定佢太心急要趕出黎睇電視，求其刷完衝返出黎，個口咁多牙膏都可以無感覺，都唔知好嬲都好笑！