星星老師@第七堂(3y11m)

今堂Ambrose遲大到，原來一小時嘅堂，佢遲左20分鐘！無法啦，而家放緊暑假，要專程由家中出發去上堂，又係嫲嫲湊去，好難預搭車時間，嫲嫲又唔會見唔對路轉搭的士嘅！原本都唔知道Ambrose遲到，係老師whatsapp媽咪通知，嚇到媽咪以為佢地有咩意外！

 

嫲嫲話Ambrose似乎對於遲到有點不高興，好彩Ambrose一向畫畫好快，成日都好快手畫完同老師講，講到老師都嫌佢煩，哈哈！所以，雖然遲左咁多，都一樣完成到幅畫！今日畫嘅紅鶴，同學仔都係畫兩隻，Ambrose就畫左三隻！問佢點解有三隻，佢話因為中間仲有位丫麻，咪畫多隻囉！佢話一隻係爹爹，一隻係媽咪，一隻係佢喎！仲記得有一次畫人仔食雪糕，佢都只係畫左爹爹同媽咪，媽咪曾經話，點解無左Ambrose嘅？如果下次記得畫埋自己就perfect喇！唔知Ambrose係咪仲記得呢段對話，所以今次見仲有位，就自己要畫多隻呢？！

 

欣賞Ambrose的紅鶴，有一隻嘅其中一隻腳提起左，真係好似平時同佢睇書時見到嘅鶴咁樣呀，唔知係佢自己識得咁畫，定係老師嘅提點呢？