咽喉炎???

今日真係返唔到工,因為輪到個肚痛......

都唔知係d菜有問題定個車仔麵....老公重鬧我明知果間車仔麵次次食親都肚痛都重食.....

咁既情形好似食物中毒,唯有去睇醫生,好辛苦起身,好彩老公返來車我去睇,無咁慘啦!

我之前唔見銀包無左張staff card,唸住講staff number 都得,點知唔得,我打去HR問,佢又點我打去UHS,問佢補領staff card,又點我打番去HKU,麻鬼煩!!!攪一大餐都話要我俾全費,病都要俾架啦!無計!!!!

入到去醫生問我幾時開始唔舒服,我講左一次,佢就問我好多感冒既徵狀,我都無,佢就睇下我喉嚨,佢竟然話有輕微發炎,話係感冒菌入腸胃,但因我無肚瀉所以唔係腸炎喎????!!!!我話唔舒服得好突然,似係食錯野,佢又話因為我嘔所以機會唔大,我想講我好少嘔,重要嘔左兩三次,我覺得d野食dirty得濟,所以嘔,第二日就肚痛....個醫生㩒都無㩒過我個肚就開藥,又講果段一式一樣既唔食得既野既台詞就打發我走!!!

我見到張receipt係tick我咽喉炎囉!!!但唔知點解無開消炎藥俾我囉!!!

講真我又唔係咋病,我係要俾全費睇醫生,又無話要佢俾假,唔好當我流至得架,咽喉炎,我自己都唔知喎!!!

唉!又一日病假嘞!!!