再一次烈火童心 (3y11m)

上年十月，Ambrose 第一次參加烈火童心，估唔到，事隔未夠一年，佢又再可以去玩喇！本來都無打算再去玩，但同班同學仔組團去，今次亦是機構破天荒俾一個家長陪同小朋友玩，所以又跟大隊再去玩一次喇！

 

今次同Ambrose攞褲換，感覺好唔同，上次同佢換褲，又大又鬆，今次呢條，著上身已經吊腳了，證明短短時間，佢高左，成長左不少！雖然有好多同學仔一齊去，Ambrose一開始都有少少怕羞，想同人玩，又只係望吓又唔敢行埋去，係都要爹爹媽咪推佢去埋堆至得，社交技巧真係有待改進！

 

之前有朋友已參加左有家長陪同嘅烈火童心，都話叫爹爹入去，夠高影相好d，所以媽咪都落得清閒，叫左爹爹入去，媽咪自己就同同學仔媽咪傾計，呵呵！

 

一個鐘時間好快過！好快就畢業喇！Ambrose竟然問媽咪，佢係咪真係做左消防員，嘩哈哈！好可愛呀！