Ambrose今年上K2，終於都有學校興趣班可以報喇！不過由於好多野都已經出左去學，無咩時間；又因為留校上興趣班搭唔到校巴，為免太麻煩，媽咪只係同佢報左交通安全隊，諗住唔係學術野，可以俾Ambrose輕鬆下，同埋返學多d投入感！
報前都知道要老師揀過先，但媽咪一直都認為如果無咩特別，應該人人有份嘅！至於點揀，真係無人知，只係估，係咪睇個小朋友做步操時手腳協唔協調？！
幾日前，有同學仔轉告其媽咪，話老師叫左幾個同學仔出去玩交通安全隊，Ambrose並唔係其中之一，媽咪就諗Ambrose可能落選了，回家再問Ambrose，佢又話老師都有叫佢去做動作，至於咩動作，佢就守口如瓶！
尋日收到老師電話，話Ambrose入選了交通安全隊，但因為太多人報名，學校打算分兩隊，老師詢問媽咪調動時間之安排，但由於調動時間後影響本身的興趣班，老師話remark左先，問埋其他同學仔先決定到。但如果真係調動唔到，有機會入唔到隊。無辦法之下，媽咪就同興趣班老師講要調時間。忐忑著老師最終究竟安唔安排到Ambrose順利入隊呢？！
今日終於收到通告，Ambrose真係入選左學校交通安全隊，屬新界北第55隊（真係奇怪，我地都唔係住新界北嘅）！原來真係唔係人人報都入到，有ｄ同學仔報左都入唔到，Ambrose今次真係好好彩！
希望佢鍾意同投入，亦都希望佢入隊後可以訓練吓紀律同teamwork啦！
好叻仔呀!
回覆刪除[版主回覆08/29/2013 12:47:24]thanks~
其實我當年讀幼稚園都係交通安全隊成員^^，希望我兩個小朋友將來都可以入選。
回覆刪除[版主回覆08/29/2013 14:39:06]嘩...原來有咁多活動架..又真係幾好喎.....我仲以為只係步操...真係好好彩....Ambrose可以入到
[Nacky回覆08/29/2013 14:33:24]唱歌、步操訓練、學習有關交通安全常識、去交通安全城踏單車、rep 學校去步操比賽、有時社區搞活動又可以去表演同做義工。最緊要可以培養到小朋友合作、對社會有承擔、有記律。
[版主回覆08/29/2013 12:47:56]係?咁你知唔知其實除左步操仲有咩做架?