好耐無見Ambrose 在家作畫了，唔知係咪媽咪問過佢呢個問題？定真係咁啱佢有興致畫呢？突然又見佢畫左幾幅畫。其中呢張，媽咪覺得好靚，並唔係因為佢畫嘅技巧好好，而係成幅畫構圖好豐富呀！成幅畫都好似在草原上咁，有三個人，估計又係爹爹媽咪同佢自己啦，仲有花花草草，傍邊竟然係馬路，有車、屋、城堡，同埋最神奇嘅係有火箭，咁都得！最令媽咪開心嘅係，之前覺得Ambrose畫雲時大多係亂畫一舊野就算，好求其！呢幅畫，見到佢竟然畫到雲嘅形態，Good Try！
好奇怪，平時Ambrose畫畫都多數直接用crayons或水筆就咁畫，今次見佢呢幅畫全幅都用鉛筆畫，仲油左少少火箭頂！唔知係咪佢開始有要求，要畫d細緻少少嘅野，不得不用鉛筆！希望佢繼續創作，俾多d唔同驚喜俾媽咪啦！
沒有留言:
張貼留言