創意畫班@第四十二堂(3y11m)

今堂又唔見左Ms Chen Chen，只見到佢响差不多完堂前至返黎，不過都係似收舖多，睇黎，Ms Chen Chen唔係呢個時段教畫囉，咁點解之前佢又寫俾媽咪全部時間都係星期五嘅？

 

今堂Ambrose畫左兩個人彈鋼琴，雅雯老師話原本佢只係畫左一個人彈鋼琴，之後佢自己話要畫個橙人，所以畫多左個橙色面嘅人喎！但，使唔使連個底色都係橙色呀？問Ambrose個底色係佢自己揀定係老師俾咩色佢就用咩色，佢又答唔到！星期五呢個時間實在都幾多人，只見兩個老師團團轉，又要照顧畫班又要照顧油畫班學生，唔知會唔會因為Ambrose可以自己handle，老師都會轉移多照顧其他學生，所以時常覺得Ambrose近來畫畫都係差不多，沒有太大驚喜咁？希望九月份轉回星期日時間，人少一點，情況又不同啦！