媽咪會做手工，呢個concept應該已經根深蒂固响Ambrose腦中。食完飯， 媽咪只係隨意問吓Ambrose玩咩好、做咩好？Ambrose都總會好快話做手工，換轉係爹爹，佢一定唔會咁答！
今晚又話要做手工喇！而家大個左，返吓興趣班，好多時候食完飯都要做吓功課，練吓琴，其實時間真係唔多！以前都仲會有心機同時間同佢開壇畫水彩，而家次次畫畫手工都要諗d唔太花時間嘅至做，有時見Ambrose咁期待咁渴望去做手工，總覺得吓吓都想做d快嘅手工有d對佢唔住咁！
諗起之前學校派左個手工包未整，今晚就攞左出黎一齊整喇！其實係母親節時派嘅手袋手工包，縫一個手袋出黎送俾媽咪嘅，而家至有時間做，哈哈！本來有一條加濶手袋嘅物料，不過媽咪都唔知點縫，所以索性唔要，放棄左！Ambrose大致都識縫，見到線在上就向下走，但佢總係會好倫盡，d線無打理好，有時縫左會打左個圈在邊上，又要再拆再縫，哈哈！
仲諗住整好左個手袋，Ambrose會送俾媽咪，點知一整好，佢就爭住要攞去袋佢個電話，話個袋係佢架喎！媽咪話個袋係母親節禮物喎，佢就話：我都好鍾意喎！真係頂佢唔住呀！
沒有留言:
張貼留言