影像英文默寫法 (4y5m)

Ambrose嘅英文認字真係非常之差，教過的多會轉過頭就忘記，又或是在這本書認得，同一個字出現在另一本書上，又話唔識，成日都要攞番d書出黎俾佢知道係同一個字，叫佢再諗吓佢就會識番，真係令人頭痛！

 

中文字方面，Ambrose進度亦不算很好，但總算可以，總覺得佢認中文係好過英文好多，唔明點解。但肯定的是，教Ambrose認中文時，如果可以盡量描述個字形似咩似咩，佢係易d去記到。而且，加上之前有用過「有趣的文字」，以圖像方法顯示個字係點變成的，似乎也有點點幫助。當時，媽咪就想，如果英文有類似的教材幫到Ambrose認字就好了！

沒想到，真係有類似的教材出現了！某天行書店無意中發現左呢本「影像英文默寫法」，書中每個英文字都有個故事，以圖像方法幫助小朋友記得個英文字，幫助小朋友易於默寫，即係串字！媽咪當然立即買下，準備一試啦！不過書中的編排倒是密密的，一頁已有幾個字，又是雙頁的，如果可以出字咭，一張一個字，咁就可以在家中展示出來，更加方便認字了！雖然本書話係默寫法，媽咪都唔係要Ambrose串字，只希望呢個方法可以幫到佢認讀英文生字而已。