可愛的英文工作紙 (4y5m)

Ambrose的英文興趣班，一直都令媽咪好苦惱，似乎，轉了幾次，Ambrose都沒有特別得著及進步。由於之前有過不愉快經歷，所以媽咪對挑選興趣班已經沒有太大要求，只求他有興趣上，上得開心，沒有壓力就算。聖誕節時剛好同Ambrose又試報了一間，中心門口放左好多玩具，希望Ambrose會喜歡呢度。上了近五、六堂，一切都順順利利的，Ambrose無唔想上，但亦唔見佢點提上堂開唔開心，老師好唔好等，所以媽咪亦都一直唔太知道Ambrose上堂大概做些甚麼，學過甚麼！

某天放假，終於有少少時間可以望吓Ambrose英文興趣班的書包內究竟裝著甚麼，見到有幾張紙，一些係Ambrose嘅畫作，可能係畫吓唔同房間有d咩傢俱咁，又或者印手（唔太知道為左咩），之後，就見到呢張有關preposition嘅工作紙，唔知道係Ambrose自己完成，定要老師指點才可完成呢？但見到上面嘅公仔，幾乎係無擦膠擦過的痕跡，而且畫得好整潔、可愛，媽咪覺得好靚呀！