Ambrose一直都唔係好知咩叫對講機，只係有一次想買玩具時，因為爹爹媽咪唔多想買佢所指嘅玩具，因而推介對講機俾佢，解釋完後佢又不感興趣，所以咩都無買，哈哈！
過後，忽然有一日Ambrose就追討要返對講機，真係有點莫名奇妙！不過廿四孝爹爹當然又話OK啦！只是，爹爹唔想去玩具店買玩具對講機，所以特意托爺爺走一轉男人嘅天堂 － 鴨寮街，買來了一對真的對講機給Ambrose！
Ambrose對於對講機感覺好新奇，即使在家中隨便講一句都可以聽到，佢都會走入房講，真係好好笑！為左試驗吓對講機可接收到的最遠距離，爹爹就帶同Ambrose下樓去了，結果，竟然去到會所都接收到呢，真厲害！
不過，可能頻道jam了其他人的，媽咪在家竟然聽到了其他人在討論我們為何會撞了入他們的台，把媽咪嚇個半死呢！
沒有留言:
張貼留言