今日同完Ambrose撐檯腳食早餐後，市面無咩店舖有開門，但新年流流，反斗城就一定會開俾d小朋友，方便佢地收到利是錢可以即時shopping，哈哈！所以，無選擇之下又去左朝聖。
Ambrose行行吓竟然見到盒Iron Man Costume，其實佢之前都已經講過想買，但媽咪一直都拒絕佢，見佢唔出聲蹲在前面左看右看，都無扭話要買，只係一味的看唔行開，媽咪一下子心軟了，拿在心中打量一番，Ambrose即問媽咪做咩事，然後媽咪就交左盒Iron Man Costume俾佢，話送俾佢做新年禮物。Ambrose嘅神情簡直係難以置信咁款，即時攬住媽咪錫啖同埋講多謝，真係幾冧吓架！仲要行完一輪，再去俾錢，俾完錢都未行出去，Ambrose又再攬實媽咪錫啖，咁嘅行徑真係好少有，相信Ambrose真係好鍾意，而且以佢嘅認知，媽咪絕對無可能會買俾佢，所以當知道可以買嘅時候，真係既開心又感激，哈哈！
後記：買完盒Iron Man Costume回家，Ambrose已經急不及待要試上身，擺哂pose，好滿足咁！不過媽咪發現Iron Man的心口果個圓形膠片甩左，原本都無為意，係拆開個盒時，就見有塊藍色圓形膠片零零舍舍响件衫果度，望吓個盒先至知原來係心口果個燈，果刻都已經覺得怪怪地，點會係分開架呢？裝上心口嘅盔甲後，再試裝上藍膠片，以為係用身體頂住就唔會跌，但原來係唔得的，再望吓塊膠片上明顯有點紅色膠跡，即係話呢塊藍膠片，本來應該就黏附在盔甲上而唔係分開嘅！見到咁，爹爹同媽咪已經即時決定要即日攞番去換貨了！因為擔心換回同款貨的話，果塊膠片玩兩玩都會好易爛，而且，老實講，套Costume絕對唔user friendly，肩膊心口盔甲共三件，用魔術貼的，小朋友絕對唔可以自己搞掂；個面罩，竟然唔係象筋圈，又係用膠條加魔術貼，而膠條長度頗短，戴在Ambrose面上，只係剛剛好而已。所以爹爹媽咪打算如果可以換其他貨，就要其他貨了。不過要同Ambrose講定呢件事，真係好傷佢心囉！好彩佢最後都接受有機會無左套Iron Man Costume！
沒有留言:
張貼留言