Puzzle的突破 (4y5m)

一直以來，Ambrose玩Puzzle方面，真的可以話牛皮燈籠，點極都唔明，講完又講，應該要砌左條邊，再去找相類似嘅顏色再拼砌，可是，他都不理解，又成日睇都唔睇吓就話搵唔到，唔識砌！有時候，媽咪懷疑佢對眼係咪有毛病，但眼科醫生都睇過幾次了，都話一切正常，媽咪不得不承認，呢方面佢真係笨得要死！

既然係笨得要死，媽咪亦放棄了要佢玩Puzzle，畢竟，小朋友也不一定要樣樣皆能，如果佢真係對Puzzle無興趣，教多幾百次，結果都一樣吧！所以，家裡甚少Puzzle玩意。

聖誕節時交換禮物，恰巧抽了一盒怪獸大學Puzzle，於是Ambrose又開始接觸Puzzle了。當然啦，本來唔叻嘅佢，咁耐唔玩Puzzle，一玩起就真係要再從新黎過，Oh my God！

玩吓停吓咁，突然間，今晚Ambrose自己攞左份Puzzle出黎砌，媽咪冷眼旁觀，好想知道，如果完全唔提示，Ambrose是否可以自行砌完。結果，雖然教左好多次要砌左直邊先，Ambrose並沒有跟從，只係將認為係一齊嘅Puzzle砌好左幾份，再「合體」，最終，都可獨自完成了那60塊Puzzle。比起好多同齡的小朋友，60塊可能只不過easy job，可對於Ambrose來說，就是一個突破了！

見到Ambrose咁俾心機砌，拿出了好耐好耐之前買落嘅Iron Man Puzzle俾佢再試，當年就是知道佢鍾意Iron Man而刻意買下逗他玩的，未等到拿出黎玩，媽咪已經放棄了。今次攞出黎的，是48塊的Puzzle，雖然塊數少了，但媽咪感覺比起60塊的怪獸大學難一點，因為圖案公仔有一點較模糊，不比怪獸大學的公仔鮮明。這次，Ambrose當然要媽咪少許提示，才可完成這砌圖，不過，表現已經令媽咪滿意了。希望他繼續努力吧！